Ekki greiða Íslandi atkvæði!

Þessi færsla er ekki um Eurovision söngvakeppnina.  Heldur þá hégómlegu ákvörðun íslenskra stjórnvalda að sækja um inngöngu í öryggisráð Sameinuðu þjóðanna.

 

Ég hef verið eindregin talsmaður samstarfs og samvinnu ríkja heimsins á sem flestum sviðum og tel að ýmsar alþjóðlegar samþykktir séu ekki hvað síst mikilvægar fyrir fámenn ríki á borð við Ísland.  Jafnframt tel ég að Íslendingar hafi ýmistlegt fram að færa á meðal þjóða heimsins.  Við skulum ekki gleyma því að okkur hefur verið treyst fyrir alþjóðlegum verkefnum á vegum Sameinuðu þjóðanna.  Nægir þar að nefna að tvær deildir Háskóla S.þ. eru starfræktar á Íslandi, Jarðhitaskólinn og Sjávarútvegsskólinn.

 

Öryggisráðið er hins vegar allt annar vettvangur heldur en sérfræðikennsla og þróunaraðstoð.  Mér finnst eiginlega að þeir sem fái sæti í öryggisráðinu þurfi að hafa sýnt fram á að þeir hafi eitthvað til málanna að leggja, t.d. að þeir eigi sér sögu um sjálfstæða utanríkisstefnu.  Því er ekki til að dreifa hjá okkur.  Íslensk utanríkisstefna hefur aldrei falist í neinu öðru en því að við höfum hagað okkur sem klappstýra bandarískra stjórnvalda og stutt þau án þess að hugleiða afleiðingar tiltækja þeirra.  Á þessu er ein undantekning, ekki má gleyma því að Jón Baldvin Hannibalsson sýndi, í sinni tíð sem utanríkisráðherra, gríðarlegt frumkvæði með stuðningi sínum við sjálfstæði Eystrasaltsríkjanna.  Að því slepptu hefur ekki verið til sjálfstæð íslensk utanríkisstefna.  Ég tel því afar brýnt að Íslendingar taki ekki sæti í öryggisráðinu.  Heimsbyggðin þarf ekki á því að halda að þeir sem sæti eiga í öryggisráðinu styðji gagnrýnslaust hver þau heimskupör sem bandarískum stjórnvöldum kemur til hugar. 

 

Á síðustu árum hafa íslensk stjórnvöld tekið upp stjórnmálasamband við fjölmörg smáríki.  Ég hef talið mig sæmilega að mér í landafræði en ég verð að játa að ég þurfti að grípa fram Times Atlasinn til þess að finna hvar í veröldinni marga hinna nýfengnu vini okkar væri að finna.  Á vef utanríkisráðuneytisins er að finna lista yfir 98 ríki sem Ísland hefur tekið upp stjórnmálasamband við eftir árið 1990.  Ég hef ekkert á móti því að Íslendingar líkt og aðrar þjóðir hafi með sér samstarf og samband.  En hin nýja vinsemd sem utanríkisráðuneytið hefur sýnt löndum, einkum smáríkjum, vítt og breytt um jarðarkringluna er vitaskuld ekki til komin vegna þess að stefnt sé að heimsmeti í stubbaknúsi. 

 

Hér að neðan er listi yfir þau ríki sem Ísland hefur tekið upp stjórnmálasamband við eftir árið 1990.  Í síðari dálkinum er ártalið þegar sambandið var tekið upp.  Þeir sem eru leiðir á netinu en fróðleiksfúsir ættu að ná í landabréfabók og reyna að finna löndin.

 

Þegar kemur að vali á fulltrúum í öryggisráð Sameinuðu þjóðanna er bón mín til hinna nýju vinaríkja einföld:

            Please, dont vote for Iceland! 

Afganistan	17.3.2004
Antígva og Barbúda	11.3.2004
Armenía	15.5.1997
Aserbaídsjan	27.2.1998
Austur-Tímor	4.12.2003
Belís	7.7.2004
Benín	23.2.2005
Bosnía og Hersegóvína	8.5.1996
Bólivía	17.9.2004
Brúnei Darússalam	27.4.2006
Búrkína Fasó	23.10.2001
Búrúndí	14.12.2006
Djíbútí	19.7.2005
Dóminíka	29.6.2004
Dóminíska lýðveldið	23.6.2003
Eistland	26.8.1991
Ekvador	11.12.2003
El Salvador	25.10.2000
Erítrea	6.10.2004
Filippseyjar	24.2.1999
Fílabeinsströndin	14.10.2005
Gabon	27.5.2005
Gambía	11.5.2004
Georgía	21.9.1992
Gínea	14.5.2004
Gínea-Bissá	24.9.2004
Gvatemala	5.8.1993
Gvæana	10.3.2005
Haiti	18.11.2005
Hondúras	15.9.2004
Hvíta-Rússland	25.5.2001
Jamaíka	24.5.2000
Jórdanía	1990
Kambodía	19.6.2003
Kasakstan	14.5.2004
Katar	24.1.2002
Kirgisía	2.4.2001
Kíribatí	15.9.2005
Kongó	15.12.2004
Kostaríka	10.1.1997
Kómoraeyjar	29.10.2004
Króatía	30.6.1992
Kúveit	26.4.1996
Laos	2.9.2004
Lettland	26.8.1991
Liechtenstein	1992
Litháen	26.08..1991
Líbería	28.11.2006
Líbía	15.3.2004
Madagaskar	21.9.2006
Makedónía	29.12.1993
Malasía	1999
Malaví	14.8.1998
Maldíveyjar	30.1.1990
Malí	23.7.2004
Malta	3.7.1998
Marshalleyjar	25.1.1993
Máritanía	6.10.2004
Máritíus	15.12.2003
Miðbaugs-Gínea	10.9.2004
Míkrónesía	27.9.2004
Moldóva	1.6.1994
Mósambík	5.3.1997
Namibía	10.12.1990
Narú	17.2.2004
Óman	26.2.1992
Palá	6.10.2004
Panama	4.6.1999
Papúa Nýja Gínea	12.8.2004
Paragvæ	17.3.2004
Rúanda	12.5.2004
Sambía	23.7.2004
Sameinuðu arabísku furstadæmin	17.9.2003
Samóa	15.10.2004
Sankti Kristófer og Nevis	5.5.2004
Sankti Lúsía	17.5.2006
Sankti Vinsent og Grenadíneyjar	27.5.2004
Senegal	7.4.2004
Seychelleseyjar	8.11.1990
Singapúr	4.5.1999
Síerra Leóne	13.11.2006
Slóvenía	24.2.1992
Suður-Afríka	31.5.1994
Súdan	13.6.2003
Súrinam	9.11.2004
Svartfjallaland	26.9.2006
Svasíland	3.12.1993
Sýrland	6.5.2004
Tadsjikistan	14.2.2006
Tógó	19.11.2004
Tsjad	14.4.2004
Túrkmenistan	13.2.1997
Túvalú	26.7.2005
Úganda	2000
Úkraína	30.3.1992
Úrúgvæ	18.6.1991
Úsbekistan	25.9.1997
Vanúatú	27.9.2004

 

Athugasemdir

[Auður H Ingólfsdóttir (IP-tala skráð) 6.3.2007 kl. 22:38]

Eitt jákvætt við framboðið er að það hefur hvatt stjórnvöld til dáða í þróunarsamvinnu vitandi að þetta er einn þáttur sem þróunarríki munu líta til þegar atkvæði eru greidd. Það er a.m.k. jákvætt ef maður er þeirrar skoðunar að ríkt ríki eins og Ísland eigi að leggja eitthvað af mörkum í þeim efnum. Svo er auðvitað hugsanlegt að það myndi skerpa á því að Íslandi myndaði sjálfstæðari utanríkisstefnu ef þessi ábyrgð yrði skyndilega komin á okkar herðar að sitja í Öryggisráðinu. Bara svona pæling - ég vona a.m.k. að það yrði niðurstaðan ef við komust inn. Skammaðist mín mikið fyrir landið mitt á sínum tíma þegar það var á lista hinna "staðföstu þjóða" og hefði skammast mín enn meira ef Ísland hefði setið í Öryggisráðinu við þær aðstæður

[Júlíus Sigurþórsson, 6.3.2007 kl. 22:55]

5 lönd sem ég hef barasta aldrei heyrt um, hvað þá að maður geti giskað á hvar í veröldinni þau eru.

Ég er hissa á Valgerði að hún skuli ekki vera búin að taka upp stjórnmálasamband við Konungsríkið Bhutan! Þar búa tæplega 2,3 milljónir manna og við eigum í stjórnmálasamband við öll aðliggjandi ríki. Að vísu er hagkerfi þeirra fimmfalt smærra en okkar og við yrðum sennilegast að senda frímerki með ef við ætluðum að fá svar við "beiðni um stjórnmálasamband". En samt ríki sem við eigum ekki í stjórnmálasambandi við.

[Haraldur Haraldsson, 7.3.2007 kl. 00:13]

Eg er sko þer sammál við höfum ekkert að gera við að komast i þetta bara kostnaður og snobb/Kveðja Halli Gamli

[Svava frá Strandbergi , 7.3.2007 kl. 00:19]

Sammála.

[Haukur Nikulásson, 7.3.2007 kl. 08:26]

Sem langvarandi leppríki bandaríkjanna eigum við ekkert erindi þarna. Hér er verið að setja hundruð milljóna í kostnað sem er bara lítill hluti af gegndarlausri sóun núverandi stjórnar. Seta í öryggisráðinu er ekkert nema kostnaður ef svo ólíklega færi að leppsmáríkið Ísland yrði kosi þarna inn.

[Ásthildur Cesil Þórðardóttir, 7.3.2007 kl. 16:03]

Sammála öllum hér, við höfum ekkert að gera með þetta Öryggisráð.  Peningunum okkar væri betur varið í eitthvað þarfara. 

[Gulli (IP-tala skráð) 7.3.2007 kl. 16:04]

Er eitthvað verra að Ísland fari þarna inn sem leppríki en eitthvað annað land?

[Anna Benkovic Mikaelsdóttir, 7.3.2007 kl. 21:36]

Eitt verður þú að athuga.....Króatía gæti hugsanlega stutt Ísland í hverju sem er...vegna þakklætis!

[Kristján P. Gudmundsson, 9.3.2007 kl. 19:07]

Við verðum að vaxa uppúr minnimáttarkenndinni vegna Íraks. "Þátttaka" okkar í

því gaf okkur reynslu, sem mun nýtast okkur vel við störf í ráðinu, nema hvað ?

Við þurfum bara að vona, að næsta ríkisstjórn okkar skipi konu sem sendiherra

við Öryggisráð S.Þ. Næsti forseti Bandaríkjanna verður kona, Hillary Clinton, spái

ég, og við eigum fullt af frambærilegum og fallegum konum, sem ólmar vilja búa

í NEW  YORK.  Með góðri kveðju, KPG