Sigurður Ásbjörnsson

17.9.2007 | 23:35

Íþrótt í uppsveiflu

Líklega er kvennaknattspyrnan sú íþróttagrein sem er í hvað mestri uppsveiflu. Það er raunar ekki gott að átta sig á því þegar eitt lið vinnur annað 10-0. Markatala Valsstelpnanna eftir sumarið 88 skoruð en aðeins 7 mörk fengin á sig er heldur ekki vísbending um gæði íþróttarinnar í heild. Ég vonaði í upphafi móts að Stjarnan og Keflavík yrðu aðgangsharðari við toppliðin sem ég hélt að yrðu Valur og Breiðablik. En meðan svo mikill munur er á liðunum í deildinni þá eru fáir spennandi leikir, - því miður. Það hefði verið meira spennandi ef Valur hefði verið með tvö lið í efstu deild. Að vísu hefði hvorugt þeirra orðið Íslandsmeistari en ég þori að fullyrða að hvorugt hefði fallið. Slík er breiddin í þeim hópi.

En hvað tel ég vitnisburð um uppsveiflu kvennaboltans?

Við sem sáum einn og einn leik með stelpunum fyrir 20-30 árum reynum ekki að bera saman boltann þá og nú. Stelpurnar hafa reyndar alltaf haft nef fyrir spili (en strákarnir eru bara nýlega farnir að spila skemmtilega (þ.e. þeir eru hættir kraftakarlaboltanum)), en nú sér maður margar gríðarlega skotfastar stelpur, sprettharðar eru þær sem aldrei fyrr og með mikla skallatækni.
Það er ástæða til að benda á að kvennalandsliðið í fótbolta er margfalt betra en karlalandsliðið. Ef áhorfendur myndu sýna stelpunum þó ekki væri nema helminginn af þeim stuðningi sem strákarnir fá, þá væru þær reglulegir gestir á úrslitakeppnum stórmóta.
Velgengni Vals og Breiðabliks í Evrópukeppninni á síðustu árum sínir ótvírætt að bestu liðin hér heima myndu spjara sig með ágætum í efstu deild í hvaða landi sem er.

Ég óska Valsstelpum til hamingju með Íslandsmeistaratitilinn og óska þeim góðs gengis í Evrópukeppninni í næsta mánuði!

	Valur Íslandsmeistari kvenna 2007
Ábyrgðarmaður færslu Tilkynna um óviðeigandi tengingu við frétt

Flokkur: Íþróttir | Breytt s.d. kl. 23:41 | Facebook

Athugasemdir

Kvennalandsliðið margfalt betra en karlalandsliðið? Hvernig ætlar þú mæla það út? Ætlar þú að mæla það þannig að stelpurnar eru í 17. sæti af 30 þjóðum í Evrópu? Það spila 50 þjóðir kvennafótbolta á meðan það spila 220 þjóðir karlafótbolta. Við erum í 107. sæti eða eitthvað í karlaboltanum á meðan við erum í 25. sæti af 50 þjóðum í kvennafótboltanum. Mætti þá ekki segja að karlaliðið væri jafnvel betra?

Þetta er svo mikið bull í fólki sem veit ekkert um fótbolta. Gera upp á milli landsliða og eitthvað. Hvernig væri bara að styðja bæði liðin og hætta þessu innantóma þvaðri? Eða eru menn sem eru að upphefja kvennaboltann á kostnað karlaboltann einungis að því til þess að fá eitthvað frá stelpunum? Maður spyr sig?

Gera báðum landsliðum hátt undir höfði og hætta þessu væli.

Geir (IP-tala skráð) 18.9.2007 kl. 10:15

Svo er eitt annað í þessu. Þú nefnir að þær stelpurnar séu orðnar betri en þær voru einhvern tímann. Er það ástæðan fyrir því að þær eigi að fá meiri athygli?

Hvað þá með 3. og jafnvel 4. flokk karla ? Það er alveg ljóst að bestu 4. flokks kk. liðin myndu rúlla upp efstu deild kvenna og meðal 3. flokks lið væri eins og Barcelona á góðum degi.

Á þá ekki frekar að sýna 3. flokki karla meiri áhuga og reyna að koma þeim U-17 ára liðinu á stórmót?

Nei ég bara spyr.

Asafal, 18.9.2007 kl. 13:35

Sammála, við getum verið montin af stelpunum okkar.

Steingerður Steinarsdóttir, 18.9.2007 kl. 16:50

Vá talandi um bull og að vita ekkert um fótbolta. Fólk eins og þú (geir) ættir nú að hafa vit á því að þegja bara... þvílík mannvitsbrekka sem þú ert... check your facts..

á fifalistanum er a landslið karla í 117 sæti af 199 sætum í heiminum. í Evrópu eru þeir númer 46.

á fifalistanum er a landslið kvenna í 21 sæti af 142 sætum í heiminum, ekki 50... 142. Í Evrópu eru þær í 14 sæti.

(upplýsingar eru fengnar á FIFA.com og eru nýjustu listar síðan í júlí.)

Þess má síðan geta að í Evrópu eru jafn mörg kvenna og karla lið, þannig you do the math. Þó það muni 57 sætum á listun á heimsvísu þá er það ekki svo átakanlega mikið að ekki sé hægt að bera saman kvenna og karlalandslið.

Friður á jörð!

Signý, 18.9.2007 kl. 20:35