Ég er feginn að það var ákveðið breyta húsinu ekki í álver

Heilsuverndarstöðin er með fallegri húsum á landinu.  Samt sem áður má það heita undarlegt þar sem þar ægir ýmsu saman, t.a.m. stórundarlegar brýr á sívölum súlum, sitt á hvað hringlaga eða ferkantaðir gluggar, þríhyrnur og spírur.

Þegar fyrir lá að það átti að selja húsið þá var ég hugsi yfir því hvers konar starfsemi færi best í húsinu.  Mér fannst margt koma til greina en fannst brýnast af öllu að ytra form hússins fengi að halda sér.  Einhvern veginn fannst mér hótel fremur ólíklegur kostur þar sem ég taldi að vart yrði hægt að bjóða nægjanlega mörg gistirými til að nauðsynlegar breytingar borguðu sig.  Veitingastaður ásamt einhverju öðru taldi ég líklegt að yrði ofan á.  En alltént er ég feginn að eigendurnir ætla sér ekki að breyta húsinu í álver.

Heilsuverndarstöðin við Barónsstíg verður hótel

Athugasemdir

[Guðríður Hrefna Haraldsdóttir, 20.2.2007 kl. 19:43]

Hehehhehehe, sammála!

[Jórunn Sigurbergsdóttir , 20.2.2007 kl. 20:39]

Eins gott að það verður ekki álver.

[Kristján P. Gudmundsson, 21.2.2007 kl. 11:48]

Ég var búinn að skrifa athugasemd, en datt út úr innskráningu á meðan, svo að ég neyðist til

að skrifa hana aftur, bless á meðan.KPG.

[Anna Sigga, 21.2.2007 kl. 14:25]

Jæja, segðu!!

[Sigrún Jóna (IP-tala skráð) 22.2.2007 kl. 07:53]

 Fín grein